Түбән Кама медицина учреждениеләренә биш яңа ашыгыч ярдәм машинасы кайтты

Түбән Кама медицина учреждениеләрендә биш яңа Sollers Atlant автомобиле эшли башлады. Радмир Беляев сөйләвенчә, машиналар заманча җиһазлар белән җиһазландырылган: светодиодлы яктырту, өстәмә климат җайланмалары, медицина бригадалары өчен борылмалы креслолар һәм пациентларны йөртү өчен арба-каталкалар бар.

Моннан тыш, Түбән Кама районының медицина учреждениеләренә өч Lada Aura җиңел автомобиле тапшырылды. Аларның икесе Түбән Кама үзәк район хастаханәсе пациентларына хезмәт күрсәтәчәк, берсе Түбән Кама район балалар хастаханәсе карамагына тапшырылачак.

Казанда Татарстан Рәисе Рөстәм Миңнеханов катнашында узган транспорт тапшыру тантанасы кысаларында районның сәламәтлек саклау идарәсе шулай ук ICL компаниясе җитештергән компьютер техникасы сатып алуга сертификат алды. Техниканы «Ак Барс Созидание» Хәйрия фонды сатып алган.

Ашыгыч ярдәм автопаркын тулыландыру Татарстан Республикасы көненә багышланган традицион акциянең бер өлеше булды.

Фото: t. me/radmirbelyaev