Түбән Кама фонтаннарын төзекләндерү өчен беренче тендерлар игълан ителде

Түбән Кама муниципаль районы башкарма комитеты Түбән Камада фонтаннарны ремонтлауга беренче ике тендерны бастырды. Сүз «Гаилә» паркындагы «Шутиха» фонтаны һәм Тукай исемендәге парктагы «Су анасы» фонтаны турында бара.

Беренчесенә 5,58 млн сум, икенчесенә 4,98 млн сум акча бүлеп бирелгән.

Эшләрне башкару вакыты — 2025 елның 20 июленә кадәр.

Башкарма комитет шәһәрнең барлык фонтаннарын, шул исәптән Камадагы су фонтанын да ремонтларга ниятли.