Татарстанда Яңа ел бәйрәмнәрендә температура −8 градустан да түбән төшмәячәк

Декабрь аенда Татарстанда температура −8 градустан да түбән төшмәячәк. «Татарстан Республикасы гидрометеорология һәм әйләнә-тирә мохитне күзәтү идарәсе» федераль дәүләт бюджет учреждениесе башлыгы Сергей Захаров бүген Гадәттән тыш хәлләрне кисәтү һәм бетерү, янгын иминлеген тәэмин итү комиссиясе утырышында шулай дип белдерде, дип яза «Татар-информ».

«Кызганыч, декабрь быел да узган елдагы кебек аномаль булды. Декабрь ахырында температура −6..-8 градус тәшкил итәчәк. Яңа елга төгәлрәк фаразны 26 декабрь тирәсендә сайтта карагыз», — диде Сергей Захаров.