Татарстан Луганск халык республикасында тагын бер шәһәрне торгызачак

Ул Лисичанскидан кечкенәрәк һәм анда инде ут, газ һәм су бар, дип хәбәр итә «Татар-информ» мәгълүмат агентлыгы.

Луганск Хөкүмәт йортында Рубежный һәм Татарстан арасында хезмәттәшлек турында килешү имзаланды. Төп бурычларның берсе торак фондын, социаль объектларны һәм шәһәр халкының көнкүрешен торгызу булачак.

Рубежныйда ун меңнән артык кеше яши. ТР вице-премьеры Евгений Варакин төзекләндерү эшләрен күзәтәчәк. 

Шәһәр Северский Донец елгасының сул ярында урнашкан. Кайчандыр химия һәм целлюлоза-кәгазь сәнәгате үзәге булган.