Табиб җәйге чорда килеп чыккан лор-авыруларның сәбәпләре турында сөйләде

Җәй — ял һәм сәяхәтләр вакыты, әмма еш кына нәкъ менә әлеге чорда сәламәтлек белән проблемалар килеп чыга, бигрәк тә колак, тамак һәм борын авырулары еш очрый. Табиб-отоларинголог Полина Вашкевич «Радио 1» га биргән интервьюсында билгеләп үткәнчә, җәен тамак авырту — шактый еш очрый торган күренеш.

«Бу — температура кинәт алмашыну аркасында булырга мөмкин. Мәсәлән, без урамдагы эссеседән салкынча бинага керәбез. Еш кына кондиционер эшләү сәбәпле, коры һава органнар авыру ешлыгына тәэсир итә ала. Шулай ук салкын продуктлар һәм эчемлекләр куллануның да йогынтысы бар», — диде ул.

Табиб сүзләренчә, кайбер кешеләр ЛОР-органнар авырулары белән ешрак авырый.

«Мәсәлән, кайбер кешеләр борын бүлгесе кәкрәю сәбәпле борын аша дөрес суламый. Мондый очракта йоткылыкның арткы ягы буйлап лайла агып төшә, бу хроник ринит һәм хроник фарингит формалашуга китерә. Тамак шешә, ә аннары ашказаны-эчәк тракты авырулары башлана», — дип аңлатты табиб.