Синоптиклар Татарстанда томан, юеш кар һәм кар көртләре турында кисәтә

Бүген Татарстанда юеш кар, республиканың кайбер районнарында буран, томан һәм көчле җил көтелә. ТР Гидрометеоүзәгендә һава шартларының начарлануы турында сөйләделәр, дип яза «Татар-информ».

Көндез юеш кар һәм яңгыр явачак. Һава температурасы +4 градуска кадәр күтәреләчәк. Иртәнге буран вакытында юлларда күз күреме 500-1000 метрга кадәр кимиячәк.

«Төнлә һәм көндез аерым районнарда томан. Көньяк-көнбатыштан исәчәк җилнең тизлеге секундына 7-12 метр, көндез урыны белән 16 метрга кадәр җитәчәк», — диелә хәбәрдә.

Шулай ук синоптиклар татарстанлыларны көчле бозлавык һәм кар көртләре турында кисәтә.