Синоптиклар Татарстанда −34 градуска кадәр салкыннар фаразлый

15 февральдә Татарстанда кояшлы салкын һава торышы сакланачак. Явым-төшем көтелми. Төнлә һәм иртән һава температурасы −22..-27 градуска кадәр төшәчәк, урыны белән −33 градуска кадәр. Көндез термометр баганалары −16..-21 градус күрсәтәчәк.

Җомга көнне аеруча салкын һава торышы көтелә. Төнге сәгатьләрдә −34 градуска кадәр, көндез −15тән −20гә кадәр.

Ял көннәренә республикада бераз җылыта. Төнлә −17..-22 градус, көндез −10..-15 градус көтелә. Юлларда бозлавык саклана, дип хәбәр итә ТР Гидрометеоүзәге.