Шикле предмет аркасында Түбән Камада балалар поликлиникасын эвакуацияләделәр

14 февраль иртәсендә Менделеев урамындагы 2 нче Түбән Кама балалар поликлиникасы хезмәткәрләрен һәм хастаханәгә килүчеләрне шикле предмет табылу сәбәпле эвакуациялиләр.

«Түбән Кама балалар район хастаханәсе»нең матбугат хезмәтендә хәбәр итүләренчә, гардероб янындагы коридорда утлары янып торган билгесез предмет табылган.

Чакыруга килгән махсус хезмәтләр куркынычның булмавын ачыклаганнар һәм кешеләргә поликлиникага кире керергә рөхсәт иткәннәр. Хәзер ул штат режимында эшли.