Нәҗмиев Түбән Кама башкарма комитеты җитәкчесе вазифасыннан отставкага китте

Камил Нәҗмиев Түбән Кама башкарма комитеты җитәкчесе вазифасыннан китте.

13 ноябрьдә шәһәр Советы депутатлары вәкаләтләрен вакытыннан алда туктату өчен тавыш бирде. Камил Нәҗмиев эшчәнлеген үзгәртүгә бәйле рәвештә тиешле гариза бирде.

Аның яңа эш урыны «Сетевая компания» АҖ булачак. Сүз уңаеннан, ул бу компаниядә 2021 елдан 2022 елга кадәр эшләгән иде инде.

Камил Нәҗмиев Түбән Кама башкарма комитетына узган елның сентябрендә килде. Башта ул урынбасар, октябрьдә башкарма комитет җитәкчесе булды. 2018 елдан 2021 елга кадәр Минзәлә районында шундый ук вазифада эшлгән булган.