Казанда «KazanForum-2025» икътисади форумын ачу тантанасы узды
Тантаналы чараны Россия Хөкүмәте Рәисе урынбасары Марат Хөснуллин һәм Татарстан Рәисе Рөстәм Миңнеханов үткәрде.
Бүген «Казан Экспо» мәйданчыгында «Россия — Ислам дөньясы: KazanForum-2025» халыкара икътисади форумының рәсми ачылышы узды. Тантаналы чараны Россия Хөкүмәте Рәисе урынбасары Марат Хөснуллин һәм Татарстан Рәисе Рөстәм Миңнеханов үткәрде.
Форум белән Russian Halal Expo күргәзмәсенең рәсми ачылышы да узды, анда 12 ил, шулай ук Россиянең 11 субъекты катнаша.
«Россия — Ислам дөньясы: KazanForum» халыкара икътисади форумы Татарстан башкаласында 13-18 май көннәрендә уза. Kazan Forum Татарстанда 2009 елдан башлап ел саен үткәрелә. 2023 елдан вакыйга федераль статус алды. Татарстан Рәисе Рөстәм Миңнеханов Россия Президенты Владимир Путин йөкләмәсе буенча «Россия — Ислам дөньясы» стратегик караш төркемен җитәкли.
Фото: ТР Рәисе матбугат хезмәте
"Одноклассники"да сезне көтеп калабыз.
Следите за самым важным и интересным в Telegram-каналеТатмедиа
Нет комментариев