Ял көннәрендә Түбән Кама балалар поликлиникаларында дежур табиблар кабул итәчәк

Май бәйрәмнәрендә Түбән Кама поликлиникаларының ничек эшләячәге билгеле булды. Бу хакта перинаталь үзәкле балалар хастаханәсенең матбугат хезмәте хәбәр итә.

1 һәм 2 нче балалар поликлиникалары: 

• 27 апрель (шимбә) — эш көне, поликлиника дүшәмбе расписаниесе буенча эшли;
• 28 апрель (якшәмбе) — ял көне, поликлиника эшләми, чакырулар кабул ителми;
• 29 апрель (дүшәмбе) — поликлиника дежур шимбә графигы буенча эшли. Дежур табиблар 8:00-14:00гә кадәр кабул итә, табибны өйгә 8:00дән 13:00гә кадәр чакырырга мөмкин;
• 30 апрель (сишәмбе) — ял көне, поликлиника эшләми, чакырулар кабул ителми;
• 1 май (чәршәмбе) — бәйрәм көне, поликлиника эшләми, чакырулар кабул ителми;
• 2 май (пәнҗешәмбе) — эш көне.

Ял көннәрендә кичектергесез очрак булганда, шәһәр халкы инфекцион корпусның кабул итү бүлмәсенә мөрәҗәгать итә ала. Адресы: Менделеев урамы, 46 (1нче бина).

Хатын-кызлар консультациясе: 

• 29 апрельдә 8-14 сәгатьләрдә дежур табиб кабул итә.