Әйлән-бәйлән, коймак белән сыйлану, карачкы яндыру: түбәнкамалылар Май чабуны билгеләп үттеләр

Күңел ачу чаралары, матур гадәткә туры китереп, Халык иҗаты йорты янындагы мәйданчыкта узды. Җыр-биюләр, уен-көлке белән түбәнкамалылар табигатькә яңа сулыш бирде.

Май чабуның төп ризыгы — түгәрәк коймак. Ул җылы һәм нур сибеп торучы кояшның символы булып тора. Элек-электән бу ризык туганнарга, күршеләргә өләшү гадәте булган, ә бүгенге бәйрәмдә һәркем мичтә пешкән коймактан авыз итә алды.

Бәйрәм карачкы яндыру белән тәмамланды. Халык сынамышлары буенча, аннан калган көл җил белән таралып, мул уңыш һәм бәхет китерә.