Айдар Җаббаров Миңнуллин исемендәге татар драма театрында яңа сезонны спектакль премьерасы белән ачып җибәрде

Туфан Миңнуллин исемендәге Түбән Кама Татар дәүләт драма театрында 37 нче театр сезоны ачылды. Артистлар тамашачыларга «Галия» спектакленең премьерасын тәкъдим иттеләр.

Резеда Гобәева һәм Таһир Таһиров пьесасы буенча спектакль премьерасын Казан режиссеры Айдар Җаббаров куйды. Драматик куелыш реаль тарихларга таяна.

Постановка өч новелладан тора. Аларның һәркайсы — мәхәббәт һәм саубуллашу, 1941 елның 22 июнендә таң атканда өметләр өзелү тарихы. Беренче өлештә тамашачылар Зина исемле кызның тормыш тарихына чума. Ул сөйгән егете Иосифны фронтка озата, үзе дә яралыларга булышырга алгы сызыкка китә. Балачактан биергә яраткан кыз язмыш ихтыяры белән фронтта кул-аякларын югалта.

Зина, Галия, Мария — өч язмыш, өч вакыйга, аларның берсе дә тамашачыны битараф калдыра алмый. Бу спектакль Бөек Җиңүнең 80 еллыгы елында аеруча әһәмияткә ия.

Трилогия Түбән Кама сәхнәсендә ай саен куелачак. Тулаем алганда, артистлар бу театр сезонында тамашачыларны тагын өч премьерасы белән сөендерәчәк.