30 августта Түбән Кама берьюлы берничә мәйданчыкта Татарстан Республикасы көнен билгеләп үтәчәк
Бәйрәмнең төп урыны Яшь тамашачы театры (ТЮЗ) янындагы территориядә булачак, анда «Смена» Кама китап фестивале узачак.
«Факел» спорт залында махсус хәрби операциядә катнашучылар арасында кул көрәше буенча Татарстан Рәисе Кубогына ярышлар оештырыла.
11.00 сәгатьтә Яшь тамашачы театры янындагы мәйданчыкта Сибурның «Яхшы эшләр формуласы» проектыннан «Смена» китап фестивале ачылачак. Фестиваль программасында: белем бирү программасы һәм лекцияләр, балалар өчен осталык дәресләре, «воркшоп»лар, экскурсияләр, күргәзмәләр, шахмат турниры һ.б. була.
17.00 сәгатьтә театр янында «Татнефть» компаниясенең «Мәдәни мохит» проекты кысаларында балалар өчен интерактив программа башлана.
Г. Тукай исемендәге уку һәм ял паркы кунакларны 11.00 сәгатьтә көтә. Анда инсталляцияләр, ярминкәләр һәм китап күргәзмәләре, осталык дәресләре, шул исәптән, маскировка челтәрләре үрү буенча осталык дәресләре һәм интерактив балалар программалары оештырылачак.
«Нардуган» ансамбле «Мин сине яратам, Татарстан» дигән махсус концерт әзерләгән.
Виртуаль чынбарлык буенча осталык дәресләре, аквагрим, «Беренчеләр хәрәкәте» станциясе, 1 нче балалар сәнгать мәктәбен тәмамлаучыларның картиналар күргәзмәсе, танып белү буенча уен программасы һәм аниматорлар фестивале — болар барысы да «Гаилә» үзәк паркында булачак.
«Яшел Алан»да спорт сөючеләр өчен бадминтон, кул көрәше буенча ачык күнегүләр, аркан тартышу буенча ярышлар, ишегалды командалары арасында
футбол уеннары һәм Халыкара бокс көне уңаеннан матч очрашулары узачак.
Амфитеатр сәхнәсендә «Илһам» ансамбле концерты була, ә кичен шунда ук «Мәдәни мохит» проекты кысаларында «ПРО ГОЛОС» вокаль студиясе чыгыш
ясаячак.
«Кояшлы алан» паркында да бәйрәм рухы хөкем сөрәчәк. Программада: футбол уеннары, волейбол һәм баскетбол буенча күнегүләр, «База» креатив индустрияләр үзәгеннән осталык дәресләре, шулай ук Халыклар дуслыгы йорты иҗат коллективларының бәйрәм концерты.
"Одноклассники"да сезне көтеп калабыз.
Следите за самым важным и интересным в Telegram-каналеТатмедиа
Нет комментариев