Трамвайга да тынычлык юк

Бызов урамындагы 1нче йорт каршында берәү башы белән трамвайны туктатырга теләгән.
Бу исерекнең тукталышка кадәр барып җитәргә хәле булмаган, шуңа күрә ул рельслардан баручы трамвайны туктатырга теләгән: башта трамвайны башы белән сөзәргә тырышкан, барып чыкмагач, рельсларга сузылып яткан. Шул рәвешле максатына ирешкән, трамвай туктаган, әмма ачуыннан шартлар дәрәҗәгә җиткән трамвай йөртүче полиция чакырткан һәм бу исереккә штраф салынган.
* * *
Трамвай йөртүче, «вагонга тагылучы балалардан туйдым», дип полициягә шалтыраткан.
Нәтиҗәдә, полиция хезмәткәрләре әлеге балаларны эшке эшләр идарәсенең балигъ булмаганнар белән эшләү бүлегенә китергәннәр һәм ата-аналарын чакыртып штраф салганнар.