Тормыштан иртә туйган

23 яшьлек ир асылынып үлгән.

Прокуратураның өлкән тикшерүчесе А.Әбҗәлилов сүзләренә караганда, ул ир бер хатын белән яшәгән, беркая да эшләмәгән. 26 ноябрьдә бер шешә сыра эчеп, йокларга яткан. Иртәнге сәгать дүртләрдә уянган хатыны, ире янәшәсендә булмагач, аптырап киткән. Торып, квартир буйлап аны эзләргә тотынган. Ванна ишеген ачкач, егылып китә язган: ир удлинительның бер очын змеевикка бәйләгән, икенчесеннән элмәк ясап, асылынган. Бер ел элек ул инде, якын дустыннан үрнәк алып, асылынырга маташкан, ләкин аның гамәлен вакытында күреп алган туганнары элмәктән төшергәннәр. Моннан тыш, биш ел элек үзенең кан тамырларын кисәргә маташкан... Һәм менә хәзер тормыш белән исәп-хисапны өзгән.