Туган як

Кая чабалардыр...

Чистай-Түбән Кама трассасында көндезге сәгать 11дә «Шкода» автомобиле Кама Аланына таба барганда каршы як юлга чыгып «ВАЗ-2107» машинасы белән бәрелешкән.

Нәтиҗәдә, чит ил машинасының 36 яшьлек йөртүчесе һәм салонда булган ике бала җәрәхәтләр белән хастаханәгә озатылган. «Җиделе»нең 69 яшьлек хуҗасының хәле күпкә авыррак: аның балтыры, аскы теш казнасы, борыны сынган. 65 яшьлек пассажиры урында ук җан бирә, 51 яшьлеге хастаханәгә барганда үлә.
Шулай ук Түбән Кама районының Ширәмәт-Елантау юлында, Ширәмәткә таба баручы «ВАЗ-2114» автомобиленең 62 яшьлек йөртүчесе «Рено» машинасына уздырмаган. Каршыга килгән машина белән бәрелешмәс өчен, чит ил автомобиле йөртүчесе тормозга баскан һәм, идарәне югалту аркасында, чокырга очкан. Нәтиҗәдә, тубык сөяге сынып, башы җәрәхәтләнгән 54 яшьлек машина йөртүче, шулай ук төрлечә җәрәхәтләнгән ике пассажир хастаханәгә озатылган.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: