Туган як

Өчесенә дә кадаган

9 мартта төн уртасында өч егеткә пычак белән кадаганнар, шуларның берсе күп кан югалту аркасында дәваханәдә үлгән. Студентлар урамындагы 11а йортта яшәүче бер хатынга күршесе кергән һәм «синең балаларың мәчем белән уйнап, аны үтергәннәр», дип гаепләгән. Әлеге хатын янына 8 март белән котларга танышлары килгән булган. Алар исә хуҗабикәне якларга...

9 мартта төн уртасында өч егеткә пычак белән кадаганнар, шуларның берсе күп кан югалту аркасында дәваханәдә үлгән.

Студентлар урамындагы 11а йортта яшәүче бер хатынга күршесе кергән һәм «синең балаларың мәчем белән уйнап, аны үтергәннәр», дип гаепләгән. Әлеге хатын янына 8 март белән котларга танышлары килгән булган. Алар исә хуҗабикәне якларга теләп, «разборка»га дусларын чакырганнар. Ярдәмгә килгән өч егет белән гаепләүче арасында сугыш башланган. Күрше ир егетләрнең өчесенә дә пычак белән кадаган. Нәтиҗәдә, 23 яшьлек егет дәваханәдә үлгән, аның 21 һәм 22 яшьлек ике танышы - бүгенге көндә авыр хәлдә реанимациядә. 26 яшьлек бу ир ачудан үзе беренче пычакка тотынганмы, әллә инде шул рәвешле үз-үзен якларга гына теләгәнме, болары тикшерү барышында ачыкланыр.

Нравится
Поделиться:
Реклама
Комментарии (0)
Осталось символов: