“Бәхет”тә – тыелган уен

18 декабрьдә көндезге уникенче яртыда Төзүчеләр урамындагы 2г йортта урнашкан "Бәхет" сәүдә йортының өченче катында уен салоны барлыгы ачыклана.
Икътисадый иминлек һәм коррупциягә каршы көрәш бүлеге хезмәткәрләре андагы уен салонында, 244нче федераль законга каршы килә торган азартлы уеннар өчен 19 уен җайланмасына тап булалар. Уен автоматлары аннан алына. Хәзер полицейскийлар әлеге уен автоматларының хуҗаларын һәм законсыз уен эшчәнлеген оештыручыларның кемнәр булуын ачыклау өстендә эшлиләр.