Туган як

Берьюлы өч үлем

69 яшьлек ир, бауга тотынып, бишенче каттан төшкәндә егылып төшкән. Фаҗига Тукай урамындагы 5 нче йортта булган.

Тикшерү комитетының криминалистика бүлеге өлкән тикшерүче-криминалисты Александр Мещанов әйтүенчә, ир исерек булган. Өйдә тавыш чыккач, хатыны күршеләренә кереп киткән. Ир, кер бавына тотынып, балконнан аска төшмәкче булган, әмма, бәхетсезлеккә, ычкынып киткән. Аны хастаханәнең кабул итү бүлегенә озатканнар, ләкин ул каты җәрәхәтләрдән җан биргән. Тикшерү бара. 
Ә ике кеше бу дөньядан үз теләкләре белән киткән. Кызыл Яр авылында һәм «Нефехимик» бакчачылык ширкәтендә 75 һәм 71 яшьлек ирләр асылынган килеш табылган. Икесе дә алкогольле эчемлекләр белән мавыккан. 
 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: