Туган як

Яраклылык вакыты чыккан машина йөртү таныклыгы җәй уртасына кадәр гамәлдә булачак

Дәүләт автоинспекциясе машина йөртү таныклыкларын алмаштыруны һәм бирүне дәвам итәчәк, әмма дәүләт хезмәтләрендә алдан язылырга кирәк һәм коронавирус инфекциясе таралудан саклануга юнәлдерелгән чараларны үтәү мөһим.

Вакыты чыккан машина йөртү хокукы җәй уртасына кадәр гамәлдә булачак. Бу хакта “Татар-информ” мәгълүмат агентлыгына республика Дәүләт автоинспекциясендә сөйләделәр. РФ Президенты үз Указы белән мөһим документларның гамәлдә булу вакытын озынайтты

Шулай итеп, бу елның 1 февраленнән 15 июленә кадәрге чорда гамәлдә булу срогы чыга торган машина йөртү таныклыклары өстәмә белешмәләр һәм документларсыз автомат рәвештә озайтылды. Алар ведомствоның норматив хокукый акты белән билгеләнәчәк тәртиптә алмаштырылу мизгеленә кадәр дөрес дип санала. Мондый чара кешеләр, коронавирус инфекциясе кабынышларын булдырмас өчен, инстанцияләргә йөрмәсен өчен кабул ителде.

Шуңа да карамастан, Дәүләт автоинспекциясе праваларны алмаштыруны, шулай ук транспорт чараларын теркәүне дәвам итәчәк, әмма дәүләт хезмәтләрендә алдан язылырга һәм инфекция таралудан саклануга юнәлтелгән чараларны үтәргә кирәк.

Чыганак: https://www.tatar-inform.ru/

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: