Туган як

ТР Мәгариф һәм фән министры урынбасары шәһәрдә төзелеп килүче «Адымнар» мәктәбендә булган

Түбән Камага ТР Мәгариф һәм фән министры урынбасары Минзалия Закирова, «Яңарыш» фондының башкарма директоры Зөлфия Сөнгатуллина килгән иде.

Алар Түбән Кама муниципаль районының мәгариф идарәсе башлыгы Айдар Гарифуллин белән берлектә  төзелеп килүче «Адымнар» полилингваль мәктәбендә булган.

Делегация 460 урынга исәпләнгән яңа мәктәп ашханәсен, азык-төлек блогын, уку сыйныфларын, актлар һәм спорт залларын карап чыккан.

"Мәктәп төзелеше вакытында тәмамланачак. Без графиктан алда барабыз. Барлык төп эшләр дә башкарылды, диярлек. Кайбер вак-төяк мәсьәләрне хәл итү, мәктәпне җиһазлар белән тәэмин итү, территорияне төзекләндерү эшләре генә калды", - дип сөйләгән Айдар Гарифуллин.

Делегация канәгать калган. Сөнгатуллина фикеренчә, бу мәктәп балаларга һәм укытучыларга бик ошаячак.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: