Түбән Кама театры яңа сезонын Туфан Миңнуллинның туган ягында ача
Театрның Кама Тамагында узачак быелгы гастрольләре Туфан Миңнуллинның тууына 85 ел тулуга багышлана.
(Казан, 24 август, «Татар-информ», Рузилә Мөхәммәтова). Түбән Кама татар дәүләт драма театры традиция буенча сезонын Туфан Миңнуллинның туган ягында — Кама Тамагы районында ачачак. Бу хакта театр үзенең рәсми сайтында хәбәр итә.
Театрның яңа 31нче сезоны Туфан Миңнуллинның туган көнендә — 25 августта ачыла. Коллектив Олы Мәрәтхуҗа авылында ачык һавада театраль бәйрәм уздыра. Кич Туфан Миңнуллинның «Әлдермештән Әлмәндәр» спектакле күрсәтеләчәк.
«Туфан Миңнуллин исемен йөрткән театрыбыз ел саен сезонын Туфан Миңнуллинның туган ягында аның пьесасы буенча куелган спектакль белән ача. Быел да традициябезгә тугры калабыз», — ди театр директоры Рөстәм Галиев.
Театрның Кама Тамагында узачак быелгы гастрольләре Туфан Миңнуллинның тууына 85 ел тулуга багышлана.
Фотода "Әлдермештән Әлмәндәр" спектакленнән күренеш/Рамил Галиевнең шәхси архивыннан
Тулырак мәгълүмат: https://tatar-inform.tatar/news/culture/24-08-2020/t-b-n-kama-teatry-ya-a-sezonyn-tufan-mi-nullinny-tugan-yagynda-acha-5765651
"Одноклассники"да сезне көтеп калабыз.
Следите за самым важным и интересным в Telegram-каналеТатмедиа
Нет комментариев