Татарстанда үз-үзеңне изоляцияләү мәсьәләләре буенча кайнар линия оештырылды
Гражданнар теркәлү турында кызыксындырган сорауларын бирә һәм СМС-сервис хакында өстәмә мәгълүмат белән таныша ала.
Татарстан халкы үз-үзеңне изоляцияләү вакытында өйдән чыгу өчен, SMS-хәбәр аша теркәлүдә ярдәм сорап, контакт-үзәккә мөрәҗәгать итә ала. Бу хакта онлайн-конференциядә журналистларга Татарстан Республикасы дәүләт идарәсен цифрлы нигездә үстерү, мәгълүмат технологияләре һәм элемтә министры Айрат Хәйруллин хәбәр итте.
«Кыенлыклар туарга мөмкин. Контакт-үзәк республика халкына теге яки бу мәсьәләләрне чишәргә ярдәм итәргә тиеш», — дип аңлатты ул.
Кайнар линия телефоны: 8 (800) 250-90-33. Сервис турында тулырак мәгълүмат covid19.tatarstan.ru сайтында урнаштырылган.
"Одноклассники"да сезне көтеп калабыз.
Следите за самым важным и интересным в Telegram-каналеТатмедиа
Нет комментариев