Татарстанда 1 апрельдән 31 майга кадәр санитар-экологик икеайлык узачак

Татарстанда 1 апрельдән 31 майга кадәр торак пунктлар территорияләрен чистарту буенча санитар-экологик икеайлык узачак. 

Тиешле боерыкка республика хөкүмәте башлыгы Алексей Песошин кул куйган. Өмәләрдә урамнарны, сулыкларны, иҗтимагый киңлекләрне, базарларны, пляжлар, массакүләм ял итү урыннарын, бакча ширкәтләрен, гараж кооперативларын, юл читләрен һәм шәхси торак секторын тәртипкә китерү, шулай ук башка чаралар планлаштырыла.