Туган як

Татарстан Президенты республика халкын “Роспотребнадзор” таләпләрен үтәргә өндәде

Татарстан Республикасы Президенты Рөстәм Миңнеханов Covid-19 авыруы очракларының аз булса да, тынычланырга иртәрәк икәнен искәртте.

Кешеләргә элеккечә үк барлык саклык чараларын үтәргә кирәк. Бу хакта республика җитәкчесе ТР Министрлар Кабинетында узган киңәшмәдә әйтте.

«Авыручылар саны 0,3 процентка гына артса да, тынычланырга кирәкми, чөнки бездә грипп белән авыручылар артуы да көтелә. Хәзер вакциналарның икенче траншын көтәбез, бу эшне дәвам итәргә кирәк», — дип искәртте Рөстәм Миңнеханов.

Ул шулай ук куркынычсызлык кагыйдәләрен үтәмәгән өчен вазифаи затларга катгый җәза бирергә өндәде.

«Битлек кию, кулларны дезинфекцияләү, гриппка каршы вакцинация ясау, аңлату эшләре алып бару мөһим», — диде Рөстәм Миңнеханов.

Фото https://www.tatar-inform.ru/ сайтыннан алынды

 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: