Туган як

Рөстәм Миңнеханов Идел буе федераль округы кубогына раллида җиңде

Идел буе федераль округы төбәкләре башлыклары арасында ярыш Тольяттида «АвтоВАЗ»ның сынау полигонында узды.

Татарстан Президенты Рөстәм Миңнеханов Идел буе федераль округы кубогына ярышларда катнашты һәм беренче урынны алды. Бу хакта РФ Президентының Идел буе федераль округындагы Тулы вәкаләтле вәкиле матбугат хезмәте хәбәр итә.

Икенче урында — РФ Президентының Идел буе федераль округындагы Тулы вәкаләтле вәкиле Игорь Комаров, өченче урында Пенза өлкәсе губернаторы Иван Белозерцев булды.

Идел буе федераль округы төбәкләре башлыклары Тольяттидагы АвтоВАЗ сынау полигонының боз трассасында Lada Vesta Sport автомобильләренең махсус әзерләнгән узыш версияләрен шәхсән үзләре сынап карады.

Искәртеп үтик, Рөстәм Миңнеханов - автоспорт буенча Россиянең атказанган спорт мастеры.

Ралли вакытында Татарстан Президенты Рөстәм Миңнеханов һәм Башкортстан Башлыгы Радий Хәбиров бергә фотога төшкән.

Фото:пресс-служба полпреда Президента РФ в ПФО

https://tatar-inform.tatar

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: