Туган як

Казанда узачак кардиологлар конгрессында ун меңләп табиб катнашыр дип көтелә

Чараны Россия табиблары туры эфирда карый алачак.

Конгресста меңгә якын белгеч катнашыр дип көтелә. Форумга 10 меңгә якын табиб онлайн тоташа ала. Конгресста уннан артык чит ил табибының дистанцион чыгышы ясавы көтелә. Бу хакта «Татар-информ» агентлыгында узган матбугат конференциясендә Россия кардиология җәмгыяте вице-президенты һәм Идел буе федераль округы штаттан тыш баш кардиологы – КДМУның кардиология кафедрасы мөдире Альберт Галявич хәбәр иткән.

«Конгресска Россиянең төрле төбәкләреннән меңгә якын белгеч килүе көтелә. Эпидемиягә каршы кагыйдәләрнең үтәлүенә аерым игътибар итәчәкбез. Россия кардиология җәмгыяте конгрессы — илнең иң зур профессиональ медицина берләшмәләреннән санала. Анда 7 меңнән артык белгеч катнаша. Конгресс ел саен Мәскәү, Санкт-Петербург, Казан һәм Екатеринбург шәһәрләрендә уза. Аны үткәрү өчен билгеле бер таләпләр бар. Бары тик әлеге дүрт шәһәр генә бу хокукка ия булды», – дигән ул. 

Фото https://www.tatar-inform.ru/ сайтыннан алынды

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: