Туган як

Фәрит Мөхәммәтшин Татарстан халкын Халыкара туган тел көне белән котлады

ТР Дәүләт Советы Рәисе һәм Татарстан халыклары Ассамблеясе Советы Рәисе Фәрит Мөхәммәтшин республика халкын Халыкара туган тел көне белән котлады.

Әлеге дата 1999 елдан бирле бөтен дөньяда  билгеләп үтелә, ул ЮНЕСКО тарафыннан гамәлгә куелган һәм Берләшкән Милләтләр Оешмасы Генераль Ассамблеясе тарафыннан хупланган.

«Һичшиксез, туган тел – ул халыкның «җаны», милләтнең яшәү нигезе һәм аның үзенә генә хас үзенчәлеген саклауның иң көчле коралы, чөнки һәр халык үзенең тарихы, дине, мәдәнияте һәм теленнән рухи көч алып яши. Дөньядагы милли мәдәниятләрнең күптөрлелеген һәм меңнәрчә телләрнең кабатланмас матурлыгын билгеләгәндә, без нәкъ менә туган телдә әйтелгән сүзнең зур көчкә ия булуын яхшы беләбез. Кеше туганнан бирле ул аның күңелендә үз урынын таба һәм, киләчәктә нинди генә башка телләрне өйрәнсә дә, ана теле белән «сеңгән» әйләнә-тирә дөньяны танып белү үзенчәлеге беркайчан да югалмый.

Кадерле дуслар! Халыкара туган тел көнендә без туган телләрне саклау һәм укыту өчен тырышкан, милли мәдәниятне алга сөрү эшенә фидакарь хезмәт иткән, туган тел ярдәмендә дөньяны, матурлыкны һәм игелекне аңлаткан һәркемгә дә олы рәхмәт сүзләрен җиткерәбез.

Ышанам ки, үз туган телен ихлас күңелдән яраткан кеше башка телдә сөйләшкән күршесенә дә ихтирам белән карый. Йөз җитмештән артык милләт вәкилләренә Татарстаныбыз туган җир, туган йортка әйләнде, без моның белән горурланабыз.

Республика җитәкчелеге аларның мәдәни үзенчәлеген саклау, күптеллелек гармониясенә ирешү өчен барысын да эшли, бары тик шулар аркылы гына җәмгыятьтә тынычлык һәм татулыкка нигез салына. Әйдәгез, бер-беребезгә игътибарлырак һәм мәрхәмәтлерәк булыйк. Нинди генә телдә аралашсак та, безнең максатыбыз уртак: бәхетле һәм озын гомер, якыннарыбызның сәламәтлеге һәм иминлеге.

Барыбызга да шушы юлда уңышлар телим, бүгенге истәлекле көн республикабызда, илебездә һәм дөньяда булган барлык телләр һәм мәдәниятләргә карата тирән хөрмәт билгесе булсын», - диелә котлауда.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: