Туган як

Эмиль Гобәйдуллин: Яңартылган Конституция эшче һөнәрләрнең абруен күтәрәчәк

Махсус урта белем бирү йортларына укырга керергә теләүчеләр артачак.

Россия Федерациясе Конституциясенә кертеләчәк төзәтмәләр гражданнарның хезмәткә карата хөрмәтен ныгытачак һәм эшче һөнәрләрнең абруе артуга этәргеч булачак. Бу хакта «Һөнәри компетенцияләрне үстерү үзәге» генераль директоры Эмиль Гобәйдуллин әйтте.

«Конституциягә кертеләчәк төзәтмәләр бары тик уңай үзгәрешләр генә китереп чыгарачак. Алар хезмәт кешесенең ролен һәм эшче кешеләрнең абруен арттырачак. Билгеле, бу икътисади күрсәткечләрнең һәм безнең гражданнарның матди иминлеген яхшыртачак», — диде Гобәйдуллин.

Россия Федерациясенең Төп законына кертеләчәк үзгәрешләр нигезендә, дәүләт хезмәткә яраклы халыкның яшәү минимумыннан ким булмаган күләмдә хезмәт хакы түләүне гарантияли, тотрыклы икътисади үсеш һәм россиялеләрнең тормыш дәрәҗәсен арттыру өчен шартлар тудырачак. Илнең икътисади сәясәтенең төп юнәлешләре — хезмәт кешесенең абруен яклау һәм хөрмәт итү.

«Без алга таба үсәчәкбез. Безнең урта махсус уку йортларына укырга керергә, һөнәр алырга, эш алырга теләүчеләр саны артачак», — дип өстәде агентлык әңгәмәдәше.

Фото: архив/Рамиль Гали

Чыганак: https://tatar-inform.tatar/news/society/08-06-2020/emil-g-b-ydullin-ya-artylgan-konstitutsiya-eshche-n-rl-rne-abruen-k-t-r-ch-k-5748235

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: