Түбән Каманың мактаулы гражданины ГТО нормативын үтәде

1нче спорт мәктәбендә хезмәткәрләр арасында нормативлар кабул ителде. Иң өлкән катнашучы Түбән Каманың мактаулы гражданины Николай Моржин булды. Өлкән яшьтә булуына карамастан, Николай Сергеевич хезмәттәшләреннән артта калмыйча, барлык нормативларны алтын билгесенә үтәде. Бу хакта Түбән Кама муниципаль районы рәсми сайты хәбәр итә.

Шулай ук спорт гимнастикасы буенча тренер Александр Тураев та ГТО нормативын алтын билгесенә тапшырды. Аңа 50 яшь булуга карамастан, ул 21 тапкыр турникта күтәрелде.