Түбән Камада Татарстан Республикасы беренчелегенә көрәшчеләрне сайлап алдылар

Түбән Камада көрәш буенча Татарстан Республикасы беренчелегендә катнашу өчен 16 яшькә һәм 18 яшькә кадәрге шәһәр җыелма командасы билгеләнде. 16 яшькә кадәрге егетләр 21-22 декабрьдә Тәтешкә китәчәк.

Ә менә Түбән Каманың 18 яшькә кадәрге спортчыларның җыелма командасы гыйнвар ае башында көч сынашачак. Ярышлар Түбән Камада үтәчәк һәм спортчылар Идел буе федераль округы беренчелегенә юллама алу өчен тырышачак.

Беренчелекләрдә сайлап алу ярышларының барлык призерлары да көрәшәчәк. Түбән Кама данын барлыгы 20 спортчы яклар дип көтелә.