Түбән Кама балалар бакчаларының физик әзерлек инструкторлары региональ спартакиадада җиңде

Алабугада «Тизрәк, югарырак, көчлерәк» IV Региональ спартакиада узды.
Ул Татарстан Республикасы мәктәпкәчә белем бирү учреждениеләренең физик культура инструкторлары арасында үткәрелде.

Ярышлар җиде спорт төре буенча уздырыла: скандинавия йөреше, йөзү, чаңгы узышлары, шахмат-шашка турниры, дартс, җиңел атлетика һәм волейбол.

Ярыш нәтиҗәләре буенча Түбән Кама инструкторлары командасы җиңүче булды, икенче һәм өченче урыннарны Алабуга һәм Мамадыш командалары алды.
Фото: социаль челтәрләр