Туган як

Кечкенә булсалар да, сынатмыйлар

Шәһәрдә мәктәпкәчә белем бирү учреждениеләре арасында спартакиада узды. Хуҗалардан тыш, ярышларда Яр Чаллы, Зәй, Әлмәт, Алабуга, Менделеевск һәм Мамадыш гаилә командалары катнашты.

Баш хөкемдар Николай Моржин әйтүенчә, башта спартакиада шәһәр күләмендә генә узган. Тора-бара бирегә башка яклардан да килә башлаганнар. Быел катнашучылар саны 165 кә җиткән. Бәлки, киләчәктә башка төбәкләрдән дә килә башларлар.
Оештыручылар спартакиадада балаларны эшче һөнәрләре белән таныштырганнар һәм программага «Шин монтажлаучылар», «Кечкенә пешекчеләр», «Асфальт җәючеләр», «Шахтерлар» һ.б. уеннарны керткәннәр. Күңелле конкурсларда барлыгы 11 команда көч сынашкан. Күбесе алдан яхшы әзерләнгән. Сүз уңаеннан, биредә мондый ярышларда элек катнашкан гаиләләр дә булган.  
Нәтиҗәдә, беренче һәм икенче урында – түбәнкамалылар, «бронза» – Мамадышка киткән. Әмма бер команда да бүләксез калмаган.
 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: