Ил күләмендә танылды

«Нефтехим»ның ДОСААФ оешмасы радиоклубы җитәкчесе, радиоспорт буенча тренер Ильяс Бикбаев Россия радиосөючеләр оешмасының истәлекле билгесенә лаек булды. Бү бүләкне аңа Россия радиосөючеләр оешмасының Татарстандагы бүлеге җитәкчесе Е.Родыгин Түбән Камага махсус килеп тапшырды. Ильяс Нурисламович җитәкчелегендәге ДОСААФ радиоклубында төрле яшьтәге укучы балалар радиоспорт белән шөгыльләнә. Алар кыска дулкыннарда эфирга чыгып, Россия күләмендә генә түгел, хәтта чит илләрдәге радиосөючеләр белән элемтәгә керәләр, Морзе әлифбасын өйрәнәләр. Яшь радистлар төрле ярышларда җиңүләр яулый, хәзерге вакытта алар радиоспорт буенча Татарстан беренчелегенә, шулай ук, Җиңү көненә багышлап үткәреләчәк спорт чараларына әзерләнәләр.