Хоккей кыза бара

Зурлар командалары арасында «Б» дивизионында Татарстан беренчелегенә хоккей ярышлары дәвам итә, анда районыбыздан берьюлы ике команда катнаша.

Кама Аланы командасы чираттагы уенын Алексеевскида үткәреп, хуҗаларны 8:1 исәбе белән җиңде һәм турнир таблицасында үзебезнең зона буенча икенче урынга менде (беренче урында әлегә Нурлат). Ә безнең икенче команда (анысы Красный Ключ, Түбән Уратма, Кызыл Чапчак һәм Ширәмәт авыл җирлекләре хоккейчыларыннан тупланган) Спас районына барып, хуҗаларны 5:3 исәбе белән җиңеп кайтты.

Иртәгә, 18 февральдә, Кама Аланының «Олимпия» боз сараенда инде үзебезнекеләрнең кунаклар каршылыйсы була: Кама Аланы командасы - Нурлат хоккейчылары белән (хәлиткеч матч!), ә икенче командабыз Алексеевск районы вәкилләре белән очрашачак.