Татар LIFE

Түбəн Кама шәһәре

Спорт

Эльвир Әхәтов «Батырлар бәйгесе»ндә катнашты

28 августта Казанның «Ак барс» көрәш сараенда «Батырлар бәйгесе» дип исемләнгән турнир үткәрелде. Анда республикабызның татарча көрәш осталары арасыннан бары тик «иң-иң»нәрен - Татарстан һәм Россия күләмендәге ярышларда җиңүчеләрне генә чакырдылар, алар 100гә якын җыелды. Әнә шул «иң-иң»нәр арасында Түбән Кама медицина колледжы укучысы, «Шинник» спорт комплексында шөгыльләнүче Эльвир Әхәтов...

28 августта Казанның «Ак барс» көрәш сараенда «Батырлар бәйгесе» дип исемләнгән турнир үткәрелде. Анда республикабызның татарча көрәш осталары арасыннан бары тик «иң-иң»нәрен - Татарстан һәм Россия күләмендәге ярышларда җиңүчеләрне генә чакырдылар, алар 100гә якын җыелды.
Әнә шул «иң-иң»нәр арасында Түбән Кама медицина колледжы укучысы, «Шинник» спорт комплексында шөгыльләнүче Эльвир Әхәтов та бар иде. Узган ел яшьләр арасында Татарстан һәм Россия чемпионы булган, әле яңа гына зурлар категориясенә күчкән 18 яшьлек Эльвир «Батырлар бәйгесе»ндә финалга чыга алды. Финалда аңа республиканың бу авырлык үлчәвендәге күптәнге лидеры - 28 яшьлек Рузил Ганиев (Әлмәт) белән көрәшергә туры килде. Нәтиҗәдә, тәҗрибә яшьлектән көчлерәк булып чыкты. Әмма шундый дәрәҗәле көндәшләре белән бил алышып, икенче призлы урынны алуын Эльвир Әхәтовның һәм аның тренеры Илнар Гәрәевнең яхшы уңышлары дип бәяләргә кирәк. Эльвир әле яшь, аның иң зур җиңүләре алда булыр, дип өметләнәбез.

"Одноклассники"да сезне көтеп калабыз.

Следите за самым важным и интересным в Telegram-каналеТатмедиа

Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев