Боксчылар ярышты

Узган ял көннәрендә Сарман районының Җәлил поселогында бокс буенча ачык ярыш үткәрелеп, Татарстаннан һәм Башкортстаннан барлыгы 100ләп спортчы көч сынашты.

Анда Красный Ключтагы бокс секциясендә шөгыльләнүчеләр уңышка иреште: 12-13 яшьлек малайлар арасында Илнур Хәнәфиев (38 кг), ә 10-11 яшьтәгеләр көндәшлегендә Сухраб Абдуллаҗанов (28 кг) икесе дә үз үлчәүләрендә икенче урыннарны алдылар. Алпрның бу уңышларын тренерлары Радик Әгъләмов, Альберт һәм Роберт Виноградовлар да уртаклаша.