Боксчылар уңышы

Арчада 2000-2001 елгы малайлар арасында бокс буенча республика турниры булды.
Шул поселокта бокска нигез салучы Ю.Сабирҗанов истәлегенә багышланган ул ярышта, Казан, Чаллы, Яшел Үзән, Кама Тамагы, Биектау, Коркачык, Балтач, Кукмара һ.б. урыннардан килгән көндәшләре белән беррәттән, Түбән Кама спортчылары да катнашты. Бездән анда Равил Булатов җитәкчелегендәге балалар-үсмерләр спорт мәктәбенең Красный Ключтагы бокс секциясендә шөгыльләнүче малайлар барды. Демид Иванов (33 кг) республика күләмендәге ярышта беренче мәртәбә катнашса да, финалда Казан боксчысын срогыннан алда җиңеп, беренче урынны яулады. Шөхрәт Абдуллаҗанов (29 кг) - икенче, Шәүкәтбәк Абдуллаҗанов (35 кг) өченче призер булдылар.
Яшь боксчыларның бу уңышында тренерлары Альберт Виноградовның да өлеше зур.