Безнең яшь самбочылар сынатмады

Кукмарада шул поселок эшмәкәрләре, самбо ветераннары Анжела һәм Эдуард Насыйровлар призларына 12-16 яшьлек малайлар арасында самбо ярышы уздырдылар.

Анда Түбән Новгород, Киров өлкәләреннән, Башкортстан, Марий-Эл, Чувашия һәм Татарстаннан барлыгы 260 яшь самбочы көч сынашты. Шул исәптән, безнең «Нефтехимик» спорт клубында шөгыльләнүче дүрт малай катнашып, барысы да үз үлчәүләрендә призлы өченче урыннарны алды. Алар - 2нче гимназия укучылары Илмир Садыйков (32 кг), Илнур Халиков (40 кг), Марат Хаҗиморатов (45 кг) һәм 33нче мәктәп укучысы Вадим Савельев (66 кг).