Алда – Рәсәйнең ФНЛ беренчелеге...

Беренче голны безнең һөҗүмче Давид Хубаев «КамАЗ» командасы капкасына 29 нчы минутта кертте (0:1). Инде ун минуттан соң Павел Шадрин тупны көндәшләр капкасына туры бәреп, икенче гол авторы булды (0:2). Тик беренче тайм азагына кадәр Яр Чаллы футболчылары җавап тубы кертергә өлгерделәр. Юрий Кирилловның төгәл тапшыруын файдаланып, Давида Караев уенның беренче өлешен 1:2 исәбенә үзгәртте.  
Икенче тайм башында команда тренерлары берничә уенчыны алмаштырып карадылар. Уен азагына 8 минут кала «Нефтехимик»ның алмаш футболчысы Игорь Кутергин көндәшләр капкасына көтелмәгән вакытта  кисәк гол кертеп, матчка матур йомгак  ясады (1:3).
2-нче июльдә безнең клуб футболчылары «Химки» (Мәскәү өлкәсе) командасы белән очраштылар. Матч безнең файдага 1:0 исәбе белән тәмамланды. Ә инде якшәмбе, 7 июльдә, «Нефтехимик» командасы  «Мордовия» (Саранск) футболчылары белән  Россиянең  футбол буенча ФНЛ командалары арасында турнир таблицасында беренче уенны уздырачак. 
Фәрит ВАГЫЙЗОВ, «Туган як» газетасының спорт күзәтүчесе.