«Туган як»ка 22 яшь тула

1990 елның 26 апрелендә Түбән Камада мөстәкыйль татар газетасының беренче саны чыккан иде.
«Туган як»ның Г.Тукай туган көндә дөньяга килүе тирән мәгънәгә ия. Газета татар халкының милли горурлыгын уятуны, онытылып бара торган туган телен, милли мәдәниятын, мәгарифен, гореф-гадәтләрен саклап калуга һәм үстерүгә ярдәм итүне үзенең төп кыйбласы итеп алды. Бүген «Туган як» районда һәм шәһәрдә яшәүчеләр иң күп языла торган, димәк, халык иң яраткан газета. Барлык укучыларыбызны «Туган як»ның туган көне белән котлыйбыз! Алга таба да бергә булыйк, кадерлеләребез!