Украинада махсус операция вакытында һәлак булган Равил Рамазанов белән хушлаштылар

Солдат белән хушлашу тантанасы Мәдәният йорты каршындагы мәйданда узды. Аны соңгы юлга озатырга Түбән Кама муниципаль районы Башкарма комитеты җитәкчесе Рамил Муллин, Татарстан Республикасы сәнәгать һәм сәүдә министры урынбасары Родион Карпов, хәрби хезмәт узган 45863 нче хәрби часть вәкилләре, солдатларның туганнары, якыннары, хезмәттәшләре hәм авылдашлары килгән иде.

Равил Рамазанов взвод командиры булган.  2 майда махсус операция вакытында хәрби бурычын үтәгәндә һәлак булган.

Батырларча һәлак булган өлкән сержантны әти-әнисенең туган авылында җирләделәр.