"Туган телем - серле тел"

Илдус Садыйков исемендәге балалар һәм яшьләр иҗаты сараенда сәнгатьле укучылар республика конкурсы бара. Быел әдәби бәйгегә 600ләп эш килеп ирешкән. Егетләр һәм кызлар табигать, дөнья, туган тел, табигатькә сакчыл караш, кешеләргә яхшы мөгаләмәдә булу турында татар телендә шигырьләр сайлаганнар.

"Туган телем - серле тел" сәнгатьле укучылар республика конкурсына 40 муниципаль районнан 600ләп эш килеп ирешкән. Шулар арасыннан икенче турга 300ләп эш узган.

Конкурс нәтиҗәләре буенча 1нче, 2нче, 3нче урын, шулай ук һәм номинация буенча җиңүчеләр билгеләнәчәкләр. Аерым эшләргә сертификатлар тапшырылачак.