Түбән Камада санитар икеайлык кысаларында тукталышлар һәм коймалар тәртипкә китереләчәк

Түбән Камада санитар-экологик икеайлык кысаларында юл кырындагы киртәләрне, коймаларны һәм тукталыш павильоннарын чистарту, буяу һәм ремонтлау планлаштырыла. Бу хакта хакимиятнең матбугат хезмәте хәбәр итә.

Кичә Советлар йортында предприятиеләр, оешмалар, муниципаль учреждениеләр җитәкчеләре, шулай ук шәһәрнең мәгариф учреждениеләре вәкилләре катнашында бу тема буенча эшлекле киңәшмә узды.

31 майга кадәр коммуналь хезмәтләр һәм өмәләрдә катнашучылар шәһәр урамнарында һәм җәмәгать киңлекләрендә, юл буендагы территорияләрдә, мәктәпләр, балалар бакчалары һәм башка учреждениеләр территорияләрендә тәртип урнаштырачак.