Түбән Камада Шәһәр көненә Шинчылар проспекты буенча йөрү чикләнәчәк

Түбән Камада Шәһәр көне уңаеннан Шинчылар проспектында хәрәкәт чикләнәчәк. Бу хакта башкарма комитетның матбугат хезмәте хәбәр итә.

8 сәгатьтән 12 сәгатькә кадәр Luxor отеленнән Шинчылар проспектындагы 37 нче йортка кадәр участок ике якка тулысынча ябыла. 12:00 дә 13 нче йорттан алып 37 нче йортка кадәрге участокта юлның так ягы ачылачак. 22 сәгатьтән соң юлны тулысынча ачалар.

Шәһәр көнен бәйрәм итү «Гаилә» паркында һәм «Манзара» сәүдә үзәге янында узачак. Программаны монда карарга мөмкин.