Түбән Камада эшсезләрнең 62 проценты хатын-кызлар

Беренче февральгә Түбән Кама районында эшче көчләр саны 159,8 мең кеше тәшкил итә, шуларның 6 меңе – эшсезләр.

«Халыкны эш белән тәэмин итү үзәге» мәгълүматлары буенча, эшсезләрнең күпчелеген – 62 процентын хатын-кызлар тәшкил итә.

Шәһәрлеләр өчен 1 982 вакансия бар. Хезмәт базарында иң кирәкле белгечлекләр: бетончылар, автомобиль йөртүчеләр, автобус йөртүчеләр, төягеч йөртүчеләр, җитештерү һәм хезмәт бүлмәләрен җыештыручылар, урам эшчеләре, төрле эшчеләр, слесарь-ремонтчылар, монтажчылар, пешекчеләр, тәрбиячеләр, укытучылар, табиблар, шәфкать туташлары.