Туган як

Түбәнкамалы Гайнуллин урамы янындагы кырда коры үлән януны булдырмавын сорый

Ел саен Гайнуллин урамы янындагы кырда корыган үлән яна. Түбәнкамалы әйтүенчә, янгыннар бу районда яшәүчеләрнең  иминлегенә яный.

“Анда, бәлки, патруль куяргадыр? Яки бу проблеманы башкача хәл итәргә?” – дип сорый ул.

Түбән Кама муниципаль районы буенча күзәтчелек эшчәнлеге һәм профилактик эшләр бүлеге башлыгы Рамил Насыйбуллин сүзләренчә, быел әлеге участокта сөрү эшләре башкару турында карар кабул ителгән. Бу, янгын чыккан очракта, ут таралуга комачаулыячак. Моннан тыш, җир сөрү автомобильләргә киртә булачак, чөнки күп кенә шоферлар, юлны кыскартырга теләп, бакчаларга басу аша йөриләр. Шулай ук, участокның милекчесеннән бу җирне коры-сарыдан чистартартуны тәлап итү турындагы карар кабул ителгән.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: