Туган як

Түбән Кама хакимияте вәкилләре шәһәр хуҗалыгына системалы инвентаризация үткәрә

Бу хакта Түбән Кама муниципаль районы Башкарма комитеты җитәкчесе Рамил Муллин «ВКонтакте»дагы шәхси битендә хәбәр итә.

15 июнь эчендә хакимият вәкилләре шәhәрдә ике тапкыр йөреп чыгарга өлгергән. Иртән Вахитов һәм Химиклар проспектлары буйлап, ә көндез Бакый Урманче урамы һәм Тынычлык проспекты буенча узганнар.

Башкарма комитеты җитәкчесе сүзләренчә, чүп савытлары нинди урыннарда тора һәм алардан файдалану уңайлымы, һәр агачны карау өчен җаваплы кеше, кече архитектура формалары дөресме һәм тиешле дәрәҗәдә куеламы-юкмы – барысына да игътибар ителә.

 “Шәһәр кыяфәтендә вак-төякләр булмый! Ике атна эчендә барлык урамнардан узачакбыз. Бу эшнең нәтиҗәсе - урамнар һәм проспектлар төзекләндерү эшен бердәм стандартка китерү”, - дип белдергән Рамил Муллин.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: