Түбән Кама балыкчылары юка бозга чыккан өчен зур штраф түләячәк

Боз юка әле, шуңа да балык койрыгы өчен гомерегезне куркыныч астына куймагыз, дип кисәтә коткаручылар.

Колак салмаучыларны штраф көтә: 7 сантиметрдан да юкарак бозга керүчеләргә - мең ярым, юридик затларга 70 мең сум түләргә туры киләчәк. Ләкин балыкчыларның кесәләренә чиертеп тә, акылсыз гамәлләрдән коткару авыр. Шушы көннәрдә Яр Чаллыда 10 балыкчы белән боз кителә. Өчесен ярдан 700 метр ераклыкка җиткәч коткаралар.

Калган җидесе судан үз көчләре белән чыгалар. Хәзер барысына да штраф түләргә туры киләчәк. Коткаручылар исә яр тирәләрендә кизү торуларын дәвам итәләр.